Itaque Romani consilium ceperunt dictaturam Quinctio Cincinnato dare. Cincinnatus autem vir clarus erat, sed dictaturam non petiverat neque in foro aderat. Legati sine mora missi Cincinnatum tunicatum invenerunt, nam parvum agrum magna cura tum arabat. Cincinnatus togam petivit et populi Romani consilium audivit, a legato lectum :
"O Cincinnate, dictaturam accipe ; praees novis copiis ; libera Romanos in castris pressos ; defende patriam nostram. Si auxilium a deis petemus, mox periculum aberit et Roma tuta erit. "