Tum Cincinnatus agrum relinquit. Mox novas copias parat et adversus Aequos ducit. Magna pugna liberat Romanos obsessos qui non diu sine auxilio manserant. Magnam praedam facit et Aequos victos sub jugum mittit.
Laetus populus bellum bene gestum in foro et viis celebravit. Cincinnatus vero post triumphum Romanis diu praeesse non cupivit, quod victoria animum non mutaverat. Itaque Romam mox reliquit et parvum agrum petivit, non armorum gloria sed agricultura delectatus.